માણકોલ: ગ્રામ્ય વિકાસ અને પર્યાવરણ સંરક્ષણને કેન્દ્રસ્થાને રાખીને માણકોલ પ્રાથમિક શાળાએ એક અનોખું અને પ્રેરણાદાયી પગલું ભર્યું છે. શાળાના પ્રતિભાશાળી અને પર્યાવરણ જાગૃત બાળકો દ્વારા પ્લાસ્ટિક મુક્ત શાળા અભિયાન હેઠળ પ્લાસ્ટિકની ખાલી બોટલો એકત્રિત કરવાનો વિશાળ કાર્યક્રમ હાથ ધરવામાં આવ્યો હતો.
શાળાના શિક્ષક શ્રી રાજેશકુમાર ડી. સોલંકી ના સુચારુ આયોજન, માર્ગદર્શન અને પ્રેરણા હેઠળ વિદ્યાર્થીઓએ ગામ-પ્રદેશમાંથી મોટી સંખ્યામાં પ્લાસ્ટિક બોટલો એકત્રિત કરી. બાળકોના સંકલ્પ, શિક્ષકોના સમર્પણ અને સમાજના સહકારથી આ અભિયાન એક મહત્ત્વપૂર્ણ સફળતા સુધી પહોંચ્યું છે.
દરેક વર્ગના વિદ્યાર્થીઓએ ઉત્સાહપૂર્વક ભાગ લઈને પ્લાસ્ટિક પ્રદૂષણ ઘટાડવા માટે પોતાનો ખાસ ફાળો આપ્યો. સતત પ્રયત્નો અને સંયુક્ત મહેનતથી એકત્રિત થયેલ પ્લાસ્ટિક બોટલોની વિશાળ સંખ્યા કારણે શાળાએ વર્લ્ડ રેકોર્ડ રચવામાં સફળતા મેળવી છે.
આ સિદ્ધિ માત્ર શાળા માટે જ નહીં, પરંતુ સમગ્ર માણકોલ ગામ માટે ગૌરવની બાબત છે. આ પ્રયત્નથી બાળકોમાં પર્યાવરણ જાગૃતિ વધારવાના મહત્વને ઉજાગર કરવામાં આવ્યું છે અને ભવિષ્ય માટે એક ઉત્તમ સંદેશ પ્રસર્યો છે કે “નાનાં હાથોથી મોટી બદલાવ શક્ય છે.”
શાળાના શિક્ષકો, ગ્રામપંચાયત અને ગામજનોને આ નોંધપાત્ર પ્રદૂષણ નિયંત્રણ અભિયાન માટે હાર્દિક અભિનંદન
આ એક ગૌરવ ની પળ છે
